الحوار كان بينا ساخن

الحوار كان بينا ساخن


كنا قاعدين احنا لمه
جوا معمل العلوم
والحوار كان بينا ساخن
عن شارون حتي بوش
حتي عن احوال بلادنا
عن حالتنا
عن اهاتنا
عن ولادنا
رد صالح قال لي كلمة:
يعنى ايه كلمة سياسه
ولا ايه يعني الكلام
يبقي ف خباثه
رد خالد قال له:
اسمع الكلام
دا ليناشبهه
يعني ايه أنت بتقصد
يعني تسكت أوعى
تنطق أى كلمه
ف السياسة
ولا حتى الاقتصاد
ولا فى السلطه وحاكمها
رد صالح:
سلطة ايه؟
اللى بتعذب ولادنا
ف السجون
اللى بتقتل ولادنا
كل يوم
اللى تحرمنا حقوقنا
ولا ايه رايك يا خضرة
قلت: صح
انت صح
كل يوم بنشوف جديد
والأكيد اننا مربوط لسانا
لجل ما ننتطق بكلمه
ف السياسة
ولا حتى اننا نقدر
نكون حزب لينا
ولا حتى نقول اراءنا
ف الجريدة
والاكيدة اننا
مربوط لسانا
لجل ما ننطق بكلمه
يا أخ صالح
يعني ايه قصدك يا خضرة؟
يعني أقولك الرئيس
كان نفسه يلعب
تانى بينا
لما قالها ان ح يغير
قانون
والجميع يفرح يزقطط
بس تعرف قصدى ايه
يفرح الشعب الكئيب
ينبسط ما اعرفش ليه.......؟!
يمدح الريس بتعنا
الرئيس غير قانون
والاذاعه كل يوم تحكي
ف حكايه للرئيس
الرئيس يطلع يقول:
الشعب كان وكان
لجل احنا نصدقوه
ولا حتى اللي اسمه ايه!
كان "عماد الدين أديب"
في الحوار يسال رئيسنا
عن شعوره يومها ايه
قصدى أقولك انه
واخدكم جنيه
لجل يعقد ويا حسنى
والسؤال ح يكون بعيد
عن كلام بيدور ف نفسك
يعنى ح يغير حقيقة
والحقيقة الحوار
لجل يظهر الرئيس
أيام كتيره
والجميع يسمع كلامه
بس أقولك يابنى طنش
الكلام من غير حساب
الكلام من غير فلوس
يعني ايه قصدك يا خضرة........؟
قصدى اقولك ...
القانون ح يغيروه
لجل يخدم الولد
حتى ابوه
لجل يدخل مره تانيه الانتخاب
لجل نبدأ فتره تانيه للفساد
قالها خالد ح خاف
حتى لو يسمع غفير
ولا حتى يكون وزير
حتى لو ح تكون ايديه
مسلسله
مش ح وافق ع الرياسه
مش ح اقولها ف الخباسه
نفسى كل الناس دى تعرف
ايه حقوقها
هى فين ؟
حتى لو ندخل سجون
واللى بره السجن
كله كان سجين
كل حزب ف البلد دى
كان سجين
هو فين
لما مات الحلم فينا
حتى مات غيره كتير
بس ردى قولى
طاره عند مين ..؟
قلت مين .؟!
قلت كل المجرمين
قصدى اقولك
الحكومه
اللى يحكمها الرئيس
انتى عارفه دورك ايه ؟
ايوه عارفه
انى اكتب
كام قصيده
حتى لو ح تكون
ايديه مسلسله
لازم اكتب
عن بلاد ضاع كل خيرها
حتى جيلها
حتى مستفبل ولادها
لازم اكتب
ايوه ح اكتب
والبلد من حقها
انها تعرف كمان
اللى كان يقتل ولادها
واللى كان عامل كويز
واللى بيطبع معاهم
واللى كان هادد قواهم
فجأه والناظر بيزعق
الحكومه منا تزعل
م الوظيفة يحرمونا
يمسكونا ف السجون
ح يبهدلونا
انتي مالك الرئيس
يمسكها تانى
ولا تالت
ولا ابنه يمسكوه
المهم ان انتي عايشه
واكله شاربه
ولا نايمه
أوعى تنسي ان
خيرها كان عليكى
قلت:مش ح اسكت
يا سيد
قولتى سيد.....!!
يعنى اسمى.......
ايوه اسمك
أنت مين؟
للحكومه واليهود
تبقى العميل
اللى بيدافع عنهم
يبقى منهم
واللى منهم
يبقى مش منا خلاص
التقيته فجأة يجرى
يقول خلاص
الحكومه دى الخلاص
هما لازم يمسكوكى
ف السجون ح يأدبوكى
ولاحتى يجرجروكى
انت واللى يسمعوكى
واللى يمشى ف حزب ليكى
قلت : مش ح اسكت ياسيد
الكتابه حق ليه
والجميه يسمع كلامى
اصلى خايفه ع اللى منى
واللى همهم دا همى
غصب عنى
نفسى اقول عن حزن ساكن
جوه قلبى
نفسى اقول عن حزن ساكن
جوه قلبى