قصيده شعر بعنوان موج

موج







ف الانتظار
طالت خطاوى سكتك
ومن سنين....
بغزل بفرحى طرحتى
بحلم أكون.....
وتكونلى أنت ف دنيتى
مشتاقة ليك
يالى إليك
بكتب رسالة
جوا موج البحر
كانت من زمان
وأنا وقفه ف نفس المكان
ف الانتظار
للرد لرساله
والموجه تجى
ورآها موجه تهزنى
وأنا وقفه صمده ف المكان
ممكن ترق
ترد لى رسالة زمان
وألا يكون أنا عقلى تاه
واتلخبطت كل الشطوط
ما هو كل شط من الشطوط
كان فيه رمل فيه موج
والموت أكيد لو هى تاهت
وسط شط من الشطوط
أنا ف انتظارك
مهما ح يطول الطريق
ويعدى يوم
حتى النجوم تشهد عليه ف السما
وأنا وقفه ف نفس المكان
ويعدى يوم تأنى كمان
وأنا ف انتظار
رد الرسالة من زمان
مع أنى عارفه
إن الرسالة كتبتها
ونسيت لمين هى تكون
ونسيت لمين هى تكون