ايه فرق النايم من اللي يموت

ايه فرق النايم من اللي يموت
انا اول مرة فى حياتى
أتمنى الموت
العيشة خلاص
اه يا اخواتي
راح اطق واموت
الموت أوقات هو سفينة
بتعدى تفوت
وبتسرق ناس من احلامها
وساعات تسرقها ف أفراحها
واهى كلمه تفوت
تسمعها الودن وتنساها
مع أن ياربى لو نفهم
ايه فرق النايم م اللى يموت
النوم كان موت
والموت كان موت
مع ان النايم راح يصحى
والروح كات فيه
راح يحلم تانى ويفكر
راح يلبس ايه؟!
راح ياكل ايه؟!
والموت مش ممكن
يفتكره ويفكر فيه
لو يغفل مره
ويجيله الموت ف منام
أو هو يشوف الموت بعينيه
راح يصحى قوام
يجرى يصلى
ويقول الله
الله كان ربك ومعاك
ان كان ف الموت
او حتى ف زنفه
تعدى تفوت
راح تنسي الله الكون
وتعيش
تسهر تلعب ..........
وكمان ترقص..........
وكمان تشرب.........
وكمان تسكر..........
وان جاك الموت
راح تعمل ايه؟!
راح تبكى بدمع العين!
أيام وشهور وسنين
ح يفيدك ايه انك تبكى؟
لو حتى سنين
الدنيا ساعات
وساعات معدودة ومحسوبه
من رب الكون
من قبل ما تحمل فيك امك
وكمان مكتوب
مين زوجتك
ح تناسب مين
وكمان أولادك أحفادك
وعددهم ايه
مين قبل ما تنزل ع الدنيا
وتشوف أمك
أو حتى أبوك
أنا يعنى بقولك
أتمسك بكتاب الله
اوعاك تنساه
مهما ح يحصل
الدين دا رشاد
وهدى وامان من رب الكون
ح يكون ف حماك
بس أنت تكون دايما
ذاكر أفضاله كتير
الفجر تصلى وتدعي له
ح يكون وياك
يحميك وتعيش
فى أمان وسلام
ما هو أصله كلام
معروف وتمام
الدين دا امان
و أمان الدين
ملعون من غير فيه كلمه
أو قال ارهاب
ملعون من بدل أحلامنا
خلاها سراب
خلانا نخاف نسأل بكره
من كتر الخوف
بنموت ونعفن ف بيوتنا
من غير احساس
من غير ما يفكركم واحد
فى هموم الناس
أهو عاش وخلاص
يسهر برا
يأمر ف الناس
من غير احساس
من غير ما بيعرف أحلامهم
أفكارهم ايه
أهو كان يأمرهم يتأمر
والناس كات راضيه بعيشتها
اليوم بيعدى بلقمة عيش
أو حتى مفيش
حتة جبنه أو لحمه وغيرها
من الفاكهه
وحاجات تسمعها الناس وخلاص
من غير ما تدوقها وتعرفها
أو حتى كمان
مفيش دكتور لجل يعالج
أو دكتوره أمراض الناس
وتموت الناس
ف الستشفى
وكمان غيرهم
ح تمون كام ناس
والعيشه خلاص
راح نعمل ايه؟!
راح أعمل أيه؟!
بس ياربي
أسكت وخلاص!
وأسيب الناس!
ان كات تولع
أو حتى تموت
راح أطق ياناس
من كتر الغيظ
راح أصرخ أنا
وألم الناس
العيشه خلاص
والعلم خلاص
والشغل خلالص
ومفيش تعيين
ومفيش نصرف لو حتى يومين
راح اسكت أنا
انشاله اطق وأموت
أو حتى أنام
النوم كان موت
ايه فرق النايم
م اللى يموت
النوم كان موت
والموت كان موت